墨爾本打吡勢演入球騷

猪拉多纳

23/12/2011
文： 立民

近來於香港球壇最火熱嘅人物，首推公民球員法圖斯，嗰球蠍子式嘅烏龍波，喺Youtube內已有過百萬點擊，算係另類揚名國際！其次就係足總宣布前墨爾本勝利教練梅歷執教港隊，都算係一種同「澳職」嘅另類交流。但願佢可以改善港隊嘅不濟成績，協助我哋嘅世界排名跳升。




講「幫到手」嘅，球彩台最火熱嘅，相信一定係我同阿占，唔少朋友都認為我哋似唐唐一樣，啲貼士真係「做到嘢」。面對爆冷賽果，我惟有無奈苦笑！但隨住澳職加開快車，我就覺得戰果更加難估計。就以上星期為例，五場波，四隊客場贏波，仲要全數下盤，布里斯班獅吼更係四連敗！睇嚟近來揀「大細盤」會較着數。


基維爾喺勝利愈踢愈順


就以今日推介嘅墨爾本市打吡，墨爾本雄心主場對墨爾本勝利，相信會係入球騷嘅保證。首先兩隊近況較為對辦，雄心喺伊利巴巴積復出下，進攻有焦點，而勝利嘅基維爾終於適應咗澳職節奏。雙方對上四次交手，曾經有三次開出入球大！而呢三次交手嘅戰情並唔係一面倒，輸嗰方可以搶到入球。




賽前雙方都傳嚟好消息，勝利前鋒艾奇湯臣可披甲，而雄心中場莊拿芬謝文奴亦有望可趕及復出，對於球隊嘅完整性絕對有幫助。




（有線64及204台周五下午5時直播）


立民推介


墨爾本雄心 Vs 墨爾本勝利

入球大

phone波熱線：1831 678

電郵：soccer64@cabletv.com.hk

「球盤龍門陣」開放時間：晚上10:30至午夜11:15