布力般齊心主W要跟

猪拉多纳

20/12/2011
文： 查理阿蛋

大家諗好聖誕去邊玩未呢？小妹已經安排好節目，不過點都好，又點可以錯過今晚英超快車先！今晚焦點賽事當然係英超榜尾對決，由布力般流浪主場迎戰保頓，小妹覺得布力般火力夠猛兼有主場之利比較信得過，一於要1.92倍主W啦！（有線201及301、廣東體育周三凌晨4:00直播）




保頓上季表現穩打穩紮，點知嚟到今季聖誕檔期，16戰居然只得9分列榜尾。根據紀錄，英超只有04/05球季嘅西布朗可以喺聖誕檔期列榜尾，最後又護級成功，所以呢場賽事對保頓嚟講可以話係一戰定生死！領隊奧雲高尼就揚言唔介意贏得醜陋：「球隊成績咁差令我非常難過……呢場護級大戰入面，我哋只要3分，唔會踢漂亮足球！」


布力般擬搵舒利亞領軍


保頓攻擊力疲弱之餘防守甩漏更多，以38個失球「榮登」英超最差防守，仲要有主力射手卡斯歷倦勤，小妹絕對唔睇好作客5連敗嘅保頓可以打翻身戰。




另邊廂排尾二嘅布力般流浪戰前僅比保頓多1分，不過佢哋嘅入球數字係中下游球隊之冠，小妹相信耶高保拍住復出嘅魯賓洛堅拿同基斯杜化森巴，足以撞散保頓嘅豆腐渣防線。雖然一度盛傳領隊堅恩會被革職，改聘曾以球員身份領布力般奪聯賽冠軍的舒利亞回巢領軍，但依家布力般正處存亡之秋，連發起「踢走領隊堅恩」行動嘅一眾球迷都決定暫時擱置行動，齊心支持球隊踢好護級戰，堅恩仲唔爭氣率眾球員打爭氣波答謝擁躉支持咩，一於恃勢喺保頓傷口上灑鹽啦！


橫數千軍


布力般主場旺開大




‧過去8場主場賽事得3勝4負1和，其中7次開大。

‧16場攻入23球，為第10名至榜尾球隊中攻擊力之首。

保頓近8戰輸6場

‧近8戰作客得2勝6負，連輸5場，當中6次開大。

‧至今攻入嘅20球入面，有7球由受傷嘅卡斯歷包辦。