主將回歸伯明翰大鬧水晶宮

猪拉多纳

19/12/2011
文： 朱楓

塞翁失馬，焉知非福！雖然伯明翰啱啱喺歐霸盃出局，但領隊曉頓就話可以專注英冠爭升班，今晚仲要有一大批主力復出，朱楓認為佢哋作客有權大鬧水晶宮，平手盤捧「阿伯」坐走望贏！（now638台周二凌晨3:45直播）


水晶宮超新星停賽


伯明翰啱啱喺歐霸盃H組主場1:0擊敗馬里博爾，6場分組賽夾埋已經攞到10分，可惜仍然差1分出唔到線，認真唔抵。但查實佢哋始終係以聯賽行先，朱楓賽前check過數據，原來伯明翰周中贏馬里博爾一戰，至少收起8名主力，據英國傳媒透露，隊長卡爾、前鋒馬龍京治、基斯活特、中場基斯保基等主力，今晚好大機會全部返番正選陣容，擺明留力搏殺！




對手水晶宮早前曾喺聯賽盃爆冷擊敗曼聯，可惜返到英冠戰績依然冇乜改善，對上8場聯賽只係贏過1場咁大把，最慘今晚仲有近排傳獲紐卡素開出1,000萬鎊（約1億2,100萬港紙）收購嘅19歲翼鋒韋費特沙夏停賽，後衞摩斯爾同迪高基倫又同告上陣成疑，對住來勢洶洶嘅「阿伯」真係唔似有運行咯！