慕遜加柏強爆緬恩斯

猪拉多纳

18/12/2011
文： 吉拿甸奴

德甲2011年收爐戰今晚上演，慕遜加柏喺主場對緬恩斯，1.7倍主W值得捧場。呢場係聖誕假前德甲最後1場比賽，照計慕遜加柏冇理由想衰畀球迷睇，更何況佢哋有超級新星馬高列奧斯傷愈復出，對住剋星緬恩斯梗係要加多兩錢肉緊開W氹粉絲啦！（有線61、64、201、204周一凌晨0:30直播）


聯賽入10球列強爭住簽


馬高列奧斯暫時喺聯賽攻入10球、交出3次助攻，對上2場慕遜加柏冇咗佢，當堂接連喺多蒙特同奧格斯堡身上失分。不過咁，德國《踢球者》話馬高列奧斯已經好番可以落場派禮物，有佢幫手，今季聯賽主場有5勝3和嘅慕遜加柏，贏波機會就大好多，最低限度，佢都要為自己錢途而戰嘛。




除咗阿仙奴打算開價收購，拜仁都話有興趣羅致馬高列奧斯，仲話成事嘅話，可能會放走獨食王洛賓添，有理由相信，馬高列奧斯餓完波會踢得更生猛，揸流攤機會唔大，而且計埋德乙時代，慕遜加柏近9次對緬恩斯得1勝1和7負，唔想繼續被恰死，當然要趁今季翻生踢爭氣波，放假前贏波氹球迷啱數。