曼城讓波益晒阿仙奴

猪拉多纳

18/12/2011
文： 力奇

衰開有條路，近況低沉嘅曼城，今晚喺英超主場迎擊阿仙奴，力奇睇唔出曼城有乜反彈本錢。更大鑊係藍月亮今場有基捷基治停賽，後防執位，腦殘又同米卡開拖影響軍心，點讓得起半一，我捧兵工廠1.95倍下盤！（有線200及300、廣東體育周一凌晨0:10直播）




有錢唔係大晒，曼城今夏大事擴軍，開咧仲係威係勢一度被外界吹捧到攞冠軍咁滯，查實咪話力奇潑佢哋冷水，聯賽係打38輪，想做真正一哥，仲有漫漫長路。曼城家陣迎接開季以嚟第一個低潮期，領隊文仙尼有冇能力帶班波走出低谷，力奇實在唔多樂觀。


曼城薩巴列達客串左閘


冇錯，曼城係有唔少高質素球員，但阿古路、巴洛迪利同大衞施華呢班人加埋贏過幾多個冠軍呢？最令我擔心嘅，係曼城今仗要面對防線執位嘅問題，左閘基捷基治停賽，高拉洛夫傷埋，要搵薩巴列達由右移去左，未必適應得到。右閘米卡李察士又幾乎同「腦殘」「講手」，落到場隨時影響隊波嘅演出。唔好唔記得，曼城已經連續8場有失波，今鋪條防線真正係雪上加霜。


尹佩斯開咧15戰入15球


兵工廠近月重返正軌，近8場聯賽取得7勝1和，球員重拾信心，射手尹佩斯更加係開咧15戰入足15球，拍住前輩亨利、高爾同費迪南嘅紀錄，有佢壓陣，使驚冇波入？仲有一點，就係兵工廠素來專恰曼城，佢哋近14次英超作客曼城就贏咗10場，今鋪力奇只係博佢哋唔輸啫，唔貪心啩！


橫數千軍


曼城連續8場失波




‧2011年主場聯賽27戰得25勝2和。

‧連續8場聯賽都有失球，係球隊近3年最差走勢。

阿仙奴作客對賽佔優

‧在英超歷來14次作客曼城取得10勝。

‧射手尹佩斯開咧15戰，總共射入15球，為英超紀錄。