柏雷素爾靠地利爭季

猪拉多纳

18/12/2011
文： 巨高

今屆世界冠軍球會盃季軍，將由日職冠軍柏雷素爾對卡塔爾球隊艾薩德。上圈柏雷素爾以一比三不敵山度士，全因對手個人質素實在太高，並非柏雷素爾表現差。今次面對戰力較次嘅艾薩德，柏雷素爾應有唔同演出。何況比賽喺日本橫濱舉行，柏雷素爾佔得地利優勢，爭勝機會自然較對手高，季軍戰揀主W。（有線61及201台周日下午3時30分直播）


艾薩德難適應低溫


現時日本橫濱嘅日間氣溫只有攝氏8度，而晚間更降至攝氏2度，低溫對於艾薩德球員必有影響。始終中東地區天氣較為酷熱，球員未必可以喺短時間之內適應日本寒冷氣候。早前艾薩德能成功擊退艾斯柏蘭斯，並非艾薩德頂得住低溫，而係對手來自非洲突尼西亞，同樣都係怕凍唔怕熱。




柏雷素爾除咗有地利之外，當地球迷都好想球隊可以為日本爭光，於大型國際賽事中攞番個獎牌，以不失主人家面子。當聽到場內球迷大嗌「奸爸爹」，柏雷素爾班球員都踢得醒神啲啦！。值得一提，○七及○八年世冠盃都喺日本舉行，兩支日本球隊浦和紅鑽及大阪飛腳都取得季軍，相信今年都唔會例外。