皇馬發甸「細」劏丙組仔

猪拉多纳

13/12/2011
文： 法比加輝

西班牙盃第四圈首回合賽事，皇家馬德里作客撲擊丙組仔邦弗拉甸拿。「銀河艦隊」剛在國家打吡戰中失利，球員谷埋一肚火，今仗必盡力爭勝發洩！縱然莫連奴多數會派遣副選應戰，但皇馬第二梯隊一樣咁掂，所以加輝認為皇馬贏波機會高，捧「讓球客勝」，如覺冇肉食，可捧3.5球細盤。（now 632周三凌晨3時直播）




皇馬剛於日前踢完今季首場西班牙國家打吡戰，可惜結局再一次令「艦迷」失望，一比三不敵巴塞。縱然輸波並非世界末日，但皇馬上下肯定對失利大感不忿，事關近年一直被巴塞食住，為紓緩鬱悶，今場好可能搵「丙組仔」出氣。


第二梯隊都夠殺


由於今場只係首回合，對手實力又與「艦隊」有距離，預料教練莫連奴都會派副選應戰。不過千祈咪睇小皇馬第二梯隊，事關陣容一樣豪華，荷西卡里祖、紐尼沙軒及卡卡等球星估計都會擔正出擊，實力仍然雄厚。




其實球迷想知皇馬副選嘅實力，大可參考佢哋上場歐聯比賽，皇馬派第二梯隊作客照炒要爭出線嘅阿積士三比○。但對上五屆第四圈首回合，皇馬因輕敵關係周時脫腳，冇試過大炒對手，今場大細中位數提高至3.5球，宜捧細盤。