馬拉加打扁奧沙辛拿

猪拉多纳

11/12/2011
文： Sherry

就嚟聖誕節喇，大家諗好買咩禮物未呢？小妹就已經度好晒Shopping List準備大出血，爸爸、媽媽、各位朋友，等住收我嘅驚喜啦！嘻！買禮物梗係要搵人幫補啦，今晚西甲有場馬拉加鬥奧沙辛拿，小妹睇好馬拉加可以大勝！（開賽時間：周一凌晨1:00）




上星期日係小妹行畢業禮嘅大日子，原本嗰日病到五顏六色o架喇，死頂去到城大，見到成班同學仔同勁多兄弟姊妹嚟捧場、送花、同小妹影相……嗰一刻真係好開心！開心到乜病都冇晒，依家諗番起都仲會笑添，哈哈！




講到最感動嘅，就係Daddy同媽咪咁忙都有嚟同我慶祝，仲送埋公仔同花畀我呢個衰女……爹哋、媽咪，以前由你哋照顧我，好幸福好溫馨，不過依家我大個女喇，畢咗業喇，由今日開始，輪到我照顧番你哋啦！


杜拿蘭復出 卡索拉當弗


講到多謝，梗唔少得咁多位讀者朋友啦，小妹真係好感激大家一路以嚟嘅支持，所以平時幾忙都好，我都會抽時間Check來信同聽大家意見，當然唔少得畀心機搵料做推介啦！




「西甲曼城」馬拉加今季個陣堅靚，依家排第6，算係咁啦！上仗佢哋雖然臨尾畀皇蘇反勝，但嗰場波係作客兼有防中杜拿蘭停賽，輸波情有可原，今晚返主場出擊，唔止有呢位法國國腳復出做第一道屏障，更重要係佢哋喺地頭6次出擊錄得5勝，威力強勁，其中小妹最欣賞嘅指揮官辛迪卡索拉就有3球進帳，今晚撞正作客7戰失咗22球、仲要有中場大將達米亞同尼古納姆停賽嘅奧沙辛拿，辛迪卡索拉肯定大把機會「騷哥利」，2.45倍「讓主」值博！


Sherry靚盤


馬拉加（讓球主勝）

微博傳情 \(^O^)/

畢業禮當日有好多難忘嘅時刻，某啲Moment小妹真係感動到想喊o架……，之前小妹咪講過，老友Shan個畢業禮只係早我兩個星期，嗰次佢仲借埋袍畀我着嘅，到我畢業禮嗰日呢位好姊妹當然都有嚟撐場啦，仲陪足我全程添！人哋話得一知己死而無憾，真o架，識到阿Shan堅好彩同開心，Shan Babe，I Love You Too！:)