利物浦搵昆士柏出氣

猪拉多纳

10/12/2011
文： 查理阿蛋

今晚英超利物浦喺晏菲路主場迎戰昆士柏流浪，「紅軍」今年主場成績一般，不過佢哋上仗黑到爆輸畀富咸後谷住啖氣，今場必定嚟個大反擊狠狠發洩怨氣，小妹力撐1.77倍「讓球主勝」！（有線204及304周六晚11:00直播）


QPR欺善怕惡


利物浦王牌蘇亞雷斯陷入小低谷，已經6場冇波入，不過只要「國王」杜格利殊起用把握力強嘅比拿美及麥斯洛迪古斯，加上助攻力好勁嘅格連莊臣及荷西安歷基，火力絕對不成問題。至於中場方面，盧卡斯同史比寧雙雙缺陣，小妹覺得杜帥有可能將佐敦軒達臣移入中路，再用可以司職中場嘅奧利里奧任防中，同查理阿當合組3人中場線增強控制力，主場鬥QPR嚟講綽綽有餘。




昆士柏流浪喺聯賽榜位列中游，以升班球隊嚟講算係相當唔錯，而且作客暫時錄得3勝4負，表現比主場更好。可惜佢哋只可以喺同級球隊身上攞彩，一遇熱刺、曼城等前列分子即時現形，今仗作客硬淨嘅利物浦，想保住1分都難。