雀仔打吡捧金絲雀

猪拉多纳

10/12/2011
文： 樂比堅尼

樂比仔今晚另一場英超心水係「金絲雀」諾域治，佢哋會喺「雀仔打吡」主場迎戰「喜鵲」紐卡素。紐卡素季初演出予人驚喜，但自從不敗身被破後，似有洩氣迹象，加上今仗有兩名主將史提芬泰萊及迪奧迪缺陣，樂比仔認為今季演出極有朝氣嘅「金絲雀」，可以喺主場攞彩，平手盤值博。（有線202台及302台周六晚11時直播）




今季三支英超升班馬成績都唔錯，分別排喺中游位置，其中以諾域治成績最好，排十一位，除領隊林拔領導有方外，班球員表現落力亦值得一讚，尤其主場往往踢過一皮波，贏過昆士柏流浪、史雲斯及新特蘭三支同級球隊，今仗面對實力相若嘅紐卡素，樂比仔相信諾域治可坐和贏。




紐卡素季初表現神勇，全靠球員將士用命，但之前搏得太盡，道氣洩咗好難再踢番之前嘅水準，尤其係前排先後不敵曼城及車路士，球員明白到佢哋嘅水平同前列球隊相距甚遠，心理上嘅打擊，比體能上嘅消耗影響更大。


喜鵲兩大將缺陣好擇使


紐卡素今仗有中堅史提芬泰萊及中場迪奧迪倦勤，兩人係紐卡素核心球員，影響非常大，隊長哥洛仙尼今仗上陣機會亦唔樂觀，加上另一中堅米克威廉臣養傷，「喜鵲」冇咗以上幾人防線肯定立立亂，「金絲雀」有機會乘虛而入。