FC燕豪芬強細襲丹保殊

猪拉多纳

09/12/2011
文： ComboKing

今日「二線波」當道，共有九場荷乙可供選擇，阿King睇中ＦＣ燕豪芬細盤。係人都知荷乙係大盤客樂園，今次「逆天而行」，當然並非無的放矢。ＦＣ燕豪芬屬聯賽中最具戰術性球隊，絕非有前冇後打死罷就，係荷乙「細盤王」，今次主場出戰勁旅丹保殊，高手過招易開細。（周六凌晨３時開賽）


於荷乙吼細盤，當然係貪佢有分頭，揀ＦＣ燕豪芬就最好。呢班波踢法有別於其他荷乙球隊，佢哋較着重防守，目前係聯賽中失球最少隊伍，本季聯賽平均每場只失0.8球。而近期ＦＣ燕豪芬兩次主場出擊，鬥禾寧丹同奧斯都係贏二比○，反映球隊防守力絕不失禮。

泰斯達作客醒神

對手丹保殊近三作客不敗，其中兩場開細盤，今次雙方實力接近，相信會踢得較保守，捧細盤。


另一場奧斯主場對泰斯達，雙方狀態都係一般，今場真係水鬥水，相信難分高下。泰斯達最近作客演出仲好過主場，近三作客兩場不敗，今戰捧「讓球客勝」。而鹿特丹斯巴達主場鬥馬斯特里赫特，客軍一離開主場就變軟腳蟹，近五次作客出擊四次輸波，今次作客鹿特丹斯巴達冇運行，捧主勝。