祖雲達斯「洛」力爭盃

猪拉多纳

08/12/2011
文： 朱楓

個勢咁好，邊有可能畀佢停？朱楓講緊嘅係今季弗到漏油嘅祖雲達斯，今晚喺意盃16強主場對博洛尼亞，當然想贏波繼續Keep住個勢，何況「斑馬兵團」近年喺呢項盃賽一向有口碑，1.68倍「讓主」有計！（開賽時間：周五凌晨4:00）


博洛尼亞專心護級


「斑馬兵團」日前意甲主場贏切塞納後，繼續保持不敗。雖然前鋒迪比亞路喺呢場比賽重傷，今晚肯定倦勤，但祖記後備人才多到滿瀉，改派二線兵依然夠殺，特別係中場卡錫（左圖），盛傳明年1月被賣走，假如今晚獲派上陣，肯定搏甩髀。反觀對家博洛尼亞依家喺聯賽排尾4，距離護級安全線只得4分，試問仲邊有心機兼顧盃賽？




再睇埋雙方喺意盃成績，「斑馬兵團」已連續4屆至少殺入8強；至於博洛尼亞對上3屆有兩屆16強止步，今晚作客強勢嘅祖記，根本冇本錢阻人發達！