班比帶侯城地膽恰阿「伯」

猪拉多纳

07/12/2011
文： 亨格比利

歐聯之夜有場英冠獨腳戲做配菜，由侯城主場恭候伯明翰。「老虎仔」自從由領隊兼中場班比接掌後醒咗好多，表現贏盡口碑，今晚對住中門大開嘅伯明翰，有權攞晒3分，小讓平半一於捧上盤。（開賽時間：周四凌晨3:45）


班比以前踢波就耍家，估唔到教波都有番兩度散手，自上月以球員兼領隊身份執教侯城後錄得2勝2負成績，造訪升班熱門修咸頓都係輸僅1:2，表現有晒交代。值得一提，「老虎仔」主場出名夠惡，近7次英冠足足贏咗5場，都咪話唔堅！

伯明翰難兼顧兩條戰線

對家伯明翰要兼顧聯賽同歐霸兩條戰線，可惜兵源唔算雄厚，班手足唔踢到殘就假！況且球會財政唔多掂，近日不斷有消息指佢哋會喺明年1月散貨套現，守將列治維、鋒將包爾斯亞同施積都準備跳船，陣營士氣又點會好吖？再講，中堅居迪斯戴維斯要停賽，列治維又養緊傷，隨時畀近4仗入4球嘅侯城前鋒法耶特有機可乘！