曼城出線渺茫我話冇機會

猪拉多纳

07/12/2011
文： 黃興桂

Peter有句金句係「隊波要出線，只有兩個機會，就係機會渺茫同冇機會」，但今晚曼市雙雄歐聯終極大戰，看似兩隊都有機會，但實際只有紅魔鬼曼聯有機會，曼城雖然數字上有機會，但只要拿玻里贏維拉利爾，曼城就乜嘢機會都冇。

文仙尼歐聯唔夠料

雖然曼城班富貴酋長可以出天文數字金錢，激勵維拉利爾死砌擊敗拿玻里（個人覺得冇可能），但其實拿玻里實力肯定喺「黃色潛艇」之上。


曼城在英超一枝獨秀，但歐聯一籌莫展，文仙尼功力好明顯唔夠喺歐洲舞台立足，「天藍軍」有兩隊波嘅陣容，但文仙尼就冇兩套應付唔同比賽嘅功力及陣法，Peter可以斷言，曼城出線機會係等於零。


至於曼聯情況唔係咁糟糕，因為生死戰命運完全控制喺自己手中，唔使睇其他隊伍賽果。曼聯季初新人冇傷冇病，發揮得心應手，但因太多新人，只得朗尼一個大佬級人馬，踢逆境波係會差啲，但費格遜用得新人就已經預咗佢哋會有不穩情況。現時曼聯在英超排第二，歐聯只要和波就出線，大家唔可以用「跌Watt」嚟形容，今晚曼聯形勢點都好過曼城好多。


金句：曼市雙雄出線16強，只得一個機會。