阿伯攰爆點攻城?

猪拉多纳

07/12/2011
文： 麥馬拿仁

英冠獨腳戲侯城主場對伯明翰，拿仁撐侯城。伯明翰今仗已經係連續第四場作客，球隊疲於奔命，要喺歐霸盃同聯賽兩邊走，以佢哋嘅人腳真係有啲辛苦。侯城由看守領隊班比帶領下踢出士氣，今仗小讓平半，上盤好路。（周四凌晨3時45分開賽）


侯城球員撐看守領隊


今場可以話係一場補賽，因為伯明翰要踢歐霸盃，英冠對手都要讓路，但賽程亦令伯明翰比其他英冠球隊繁重，好似今場波，已係伯明翰連續第四場作客。


伯明翰之前三場作客先賽和黑池，跟住去葡萄牙輸畀布拉加，返嚟英冠又不敵卡迪夫城，嚟到第四場，相信唔會有乜奇迹發生。


侯城現排喺第八，表現不過不失，最重要係看守領隊班比同球員相處融洽，上仗主場對李斯特城贏波踢出士氣，今晚再喺主場出擊，點睇都高一線，讓平半揀上盤。