中央陸軍搵咗米至講

猪拉多纳

07/12/2011
文： 巨高

歐聯B組其中一個出線席位，已由國際米蘭取得小組首名，餘下一席由特拉布宗、里爾及莫斯科中央陸軍爭奪。B組最後一輪賽事，由意甲國際米蘭主場對俄羅斯球隊莫斯科中央陸軍，以及法甲里爾主場對次席嘅土耳其球隊特拉布宗。國米已出線無心戀戰，讓波唔抵，宜捧「讓球客勝」。里爾勝在有班底兼有主場之利，今場有望大捷，可捧「讓球主勝」。


（周四凌晨3時45分開賽）


國米提早取得出線資格，今場好有可能派副選「應酬」了事。須知國米今季意甲成績差強人意，上輪主場不敵烏甸尼斯後，教練雲尼亞里賽後即畀老闆莫拉堤捉去照肺。依家國米可謂聯賽大過天，唔理得歐聯咁多，反正都取得首名出線資格，最後一輪分組賽用後備球員又如何？

國米應酬波冇鬥心

既然主隊鬥心不足，相信莫斯科中央陸軍可以喺聖西路球場盡展所長，希望攞盡三分之餘，再望同組里爾同特拉布宗分唔出勝負，咁就可以出線16強。今場莫斯科中央陸軍戰意十足，受讓之下一定要捧「讓球客勝」。


至於里爾主場對特拉布宗，贏波一方就晉級。生死大戰可睇好里爾。其實里爾近況都唔錯，連同歐聯及法甲取得三連捷，今次有埋地利之助，可以對特拉布宗構成重大威脅。特拉布宗近期表現跌Watt，本身級數又唔及里爾，睇怕今場都係捱打，力捧「讓球主勝」。