朗尼歐國盃上訴親身謝罪

猪拉多纳

07/12/2011

朗尼歐國盃停賽上訴結果聽日揭曉！曼聯射手朗尼代表英格蘭於歐國盃外圍賽最後一戰領紅，結果被罰停賽三場，英足總提出上訴，最終結果喺本周四公布，朗尼將與國家隊主帥卡比路一齊飛去瑞士尼翁等待判決，唔知會唔會有好消息呢？

卡帥周四陪席最後審判

英格蘭王牌球星朗尼於歐國外最後一輪對黑山鹵莽領紅，到底能否推翻停賽三場判決，好快就有結果，英軍主帥卡比路力撐朗尼，佢先去睇曼聯作客巴素利場生死戰，之後會陪同朗尼雙雙出發去尼翁，兩人出席最後審判，希望可向歐洲足協施壓。


有傳媒問卡比路，若然朗尼停賽令未能打甩，仲會唔會帶佢去決賽周，卡帥之前斬釘截鐵話點都會帶埋朗尼出征，但英格蘭被抽中同法國、瑞典及烏克蘭同組後，卡帥態度明顯冇咁堅定：「我仲要睇吓乜情況，停三場真係太多喇，我希望可以減刑，畀朗尼踢最後一場分組賽。」