學生隊為華朗踢爭氣波

猪拉多纳

06/12/2011
文： 九叔

阿甲冠軍已經塵埃落定，今日足智彩受注嗰4場波意義其實唔大，唯一焦點係奧林普對學生隊，因為學生隊個「巫師」華朗之前宣布咗要退休，搞到擁躉集體挽留佢，令呢個前阿根廷國腳好感動，相信會帶班隊友踢番場好波，報答學生隊Fans嘅愛戴，2.15倍客勝不妨小注一博。（開賽時間：周三早上7:05）


奧林普對賽輸蝕


華朗早嗰輪透過《奧萊報》宣布咗，想玩埋今季就收山，响上場贏咗男生隊之後，有成500個學生隊擁躉走咗去訓練基地，集體呼籲華朗留低，有啲人就懇求佢「踢多6個月，只係咁多啫」，「巫師」亦都好感動，話會認真考慮，仲多謝班Fans咁支持。




其實都成36歲人咯，華朗退休好正常，但係盛情難卻，何況早幾日有個學生隊球迷組織嘅頭頭，因為藏毒、藏械被捕，華朗都想再贏多場波等班Fans開心吓。事實上，學生隊近8場波攞到4勝2和2負，近6次作客奧林普又有2勝3和1負咁好嘅戰績，今日開W真係唔奇。