西維爾遇剋星插翼難「菲」

猪拉多纳

05/12/2011
文： 力奇

今晚西甲獨腳戲上演西維爾主場對基達菲，咪以為有地利兼排名高嘅西維爾一定勝望高，查實基達菲近3季聯賽作客比斯祖安球場係錄得全勝佳績，擺明係西維爾剋星。再加上主隊近況明顯唔掂，仲要讓波出擊，我寧願捧2.25倍「讓球客勝」好過。（開賽時間：周二凌晨4:00）




西維爾雖然目前排第6，但查實佢哋近6場只得1勝，當中近3次主場出擊仲要係未贏過波，衰到輸畀新升班嘅CF格蘭納達。至於話佢哋上輪作客1:0險勝薩拉戈薩似係反彈，但力奇睇番數據，佢哋全場控球比率只得44%，唯一入球嚟自尼格度嘅12碼，贏得絕對唔夠清脆利落。


基達菲作客對賽3連勝


另邊廂嘅基達菲近況反而唔曳，近3戰得2勝1負，仲要係擊敗馬德里體育會同班霸巴塞隆拿，對士氣同信心肯定有極大幫助。當然，呢兩場勝仗都係嚟自主場，作客波同樣係6場未贏過，之不過要知道佢哋作客西維爾例有好成績，近3次西甲作客對賽全勝，就算話門將莫亞受傷，主隊何嘗唔係有防線主將馬田卡沙利斯休戰？話唔定今鋪就係基達菲嘅客場反彈時！