「黑貓」無力還「守」畀狼咬

猪拉多纳

04/12/2011
文： 自由恒

相比起歐洲其餘3大聯賽，英超到12月先有首個領隊炒魷，而落台嘅新特蘭領隊布魯士亦係意料中事，畢竟佢唔係限米煮限飯，13場聯賽僅勝兩仗，上場更以1:2不敵降班膽韋根，難怪「黑貓」主席索治都唔客氣，話出大信封係因為布魯士唔夠好。




布魯士離開後，尋晚確定由前維拉主帥奧尼爾接手，簽約3年，不過佢要到星期一先正式上任，今仗仍然會由看守領隊布力克領軍，究竟換帥可以即時化危為機，定係繼續沉淪？筆者認為冰封三尺，非一日之寒，更何況佢哋正副選門將哥頓同埋米洛列特都傷咗，今仗要由3號門將基倫韋斯活特把關，今晚作客狼隊，真係點都信唔過。


新帥奧尼爾周一先正式上任


其實新特蘭過往都炒過唔少領隊，現任狼隊主帥麥卡菲亦食過「黑貓」嘅無情雞，今仗倒戈相信都繼續唔留手，話晒近3次交手都贏晒。雖然佢哋近11場聯賽先至贏得1仗，但佢哋嘅火力絕對唔曳，近6戰只得1仗交白卷，今仗更有一對頻頻入波嘅中場奧哈拉及史堤夫亨特刑滿復出，有望喺新特蘭身上取得入球，小讓平半可以捧場。（有線201及301周一凌晨0:00直播）


足球重心：狼隊（上盤）


馬膽推介：4場1 新強勁




薛達志馬房今季泥地戰績彪炳，旗下嘅「新強勁」已經取得1W2P，擺明係趁回光盡用，上仗跑唔係最擅長嘅1800米都只係輸個鼻，今仗回師強項1650米，除非今日泥地完全冇得追，否則三甲甚穩。