羅馬明醒費倫

猪拉多纳

04/12/2011
文： 巨高

周日意甲直播賽事，較早時間有一場費倫天拿主場對羅馬。今季羅馬係其中一支最有噱頭球隊，夏天誠聘西班牙教練安歷基，希望令羅馬踢出巴塞式足球。可惜眼高手低，聯賽成績差唔在講，踢法亦冇巴塞味道。依家羅馬無論陣式或者打法都古靈精怪，好難畀到球迷信心，作客更加要打折扣。相反費倫天拿換上迪里奧羅斯執教後，球隊變得務實得多，佔主場之利有望打沉羅馬，主Ｗ必捧。（now 633及660周日晚10時直播）




除咗成績未達預期之外，羅馬隊友之間，以及同教練安歷基嘅關係都唔好。最近就有奧斯華度拳打拉美拿，早前又有泰迪及托迪因戰術問題與安歷基發生爭執。現時羅馬球員各自為政兼搞小圈子，雖未至於水火不融，但默契就一定談唔上。安歷基經常掛喺口邊嘅「團隊足球」簡直係廢話。另一方面，傷兵情況嚴重亦令球隊戰力下降，兩名中堅貝迪素及卡積亞都唔出得，另外波連尼、大衞比沙路及阿里安度羅斯仍未康復，再加埋奧斯華度被內部停賽，羅馬可用嘅球員其實唔多。




費倫天拿近況唔算標青，但迪里奧羅斯接手確令人憧憬，佢之前執教拉素及巴勒莫都交到好成績，相信費倫天拿可以重新振作。幾名進攻主力球員包括基拿甸奴、祖維迪、蒙杜利禾全部出得，要撕破羅馬防線冇難度。


帕爾馬主場恰到巴勒莫


至於壓軸場次為帕爾馬主場對巴勒莫，今季巴勒莫主客演出有好大差別，聯賽主場全勝，作客就連入球都冇。隊長兼射手米高利唔出得，戰鬥力必定大減，今場同樣捧主Ｗ。（now 633及660周一凌晨3時45分直播）




意甲推介




費倫天拿勝

基爾禾 細

帕爾馬 勝