馬體會強攻華歷簡奴

猪拉多纳

04/12/2011
文： 法比加輝

周日西甲早場馬德里體育會主場對華歷簡奴，雖然馬體會上輪聯賽以一比四不敵皇馬，但球隊之所以被炒，主要因為老早踢少個。其實馬體會近期表現已告回勇，上周中歐霸盃作客擊敗蘇超班霸些路迪之餘，貴價前鋒法卡奧又傷愈復出，中前場人腳齊番晒，主場對華歷簡奴實在冇失分理由，讓半一捧上盤。（now 632周日晚７時直播）


馬體會賽前的確收到好消息，除法卡奧復出之外，最近「起晒Q」嘅阿祖安盧比斯亦病愈出院，日前返回大隊復操，今場可隨時候命，在歐霸盃觸傷嘅阿達杜蘭並非嚴重，預計上陣機會亦高。馬體會中前場齊番人，再配合埋迪亞高、伊度亞度沙維奧等猛將，夠晒力轟炸對手，但門將泰拔高圖爾斯及中堅高甸都要停賽。


客隊華歷簡奴係暫時成績最好嘅升班馬，加輝認為佢哋叻在識得揀波踢，對住強隊唔好浪費力氣，寧願留番同級球隊先搏。所以華歷簡奴今季對親名牌基本都輸，華倫、維拉利爾、皇馬及巴塞都能在其身上輕鬆全取三分，其中皇馬及巴塞都能淨勝四球，相信馬體會都唔會執輸，一於捧上盤。

ＣＦ格蘭納達飄忽難靠

加輝另一場心水係ＣＦ格蘭納達對主場薩拉戈薩，主隊在上月踢咗兩場代表作，分別作客擊敗西維爾及作客擊敗畢爾包，戰果確令人有點震驚。不過呢班波往往被人睇低先打出驚喜，一旦要佢哋做主導，就未必可以踢出效果，好似之前主場對奧沙辛拿及桑坦德，被看好要讓波之下就贏唔出，今場格局差無幾，加輝捧受讓嘅薩拉戈薩。


西甲推介


馬德里體育會 勝

薩拉戈薩 讓球勝

奧沙辛拿 細