智大 1.7倍主Ｗ趁熱食

猪拉多纳

30/11/2011
文： Mic少

明早上演另一場南球盃四強次回合，智利大學主場對巴西球隊華斯高，巴甲將於周日煞科，排第二的華斯高最後一輪聯賽非勝不可，南球盃4強首回合失作客入球,兩條戰線處於被動，加上華斯高今屆南球盃作客全敗，更難予人信心，一於熱捧「智大」1.72倍主勝。


（有線61及201台周四早上7時50分直播）


雙方首回合打和一比一，智利大學有作客入球在手，晉級形勢佔上風，反觀華斯高需要搶攻爭取入球，但球隊將於周日晚巴甲煞科惡鬥法林明高，如果攞唔到三分就肯定無緣捧盃，陷入兩難局面。不過南球盃性質好似歐霸盃，唔多受勁旅重視，權衡輕重之後，華斯高應會較傾向睇重聯賽。

華斯高今屆作客全敗

況且，華斯高喺今屆南球盃全靠主場搵食，三場作客都以兩球差距落敗，四強首回合主場贏唔到，令球隊闖關增加難度，今場輸埋唔出奇。


智利大學今屆南球盃表現極佳，九戰取得七勝二和，包括十六強「雙殺」另一支巴甲勁旅法林明高，上圈主場亦大勝阿根廷球隊沙蘭迪兵工廠三球，充滿霸氣，今仗亦唔會赦華斯高。如果兩回合總比數打和，以作客入球較多一方為勝，若作客入球數字相同，就直接互射十二碼分勝負。