阿仙奴斷層曼城冧老細

猪拉多纳

29/11/2011


阿仙奴主場對曼城，兩隊賽前吹晒風話派二線兵上陣，單計後備力量，曼城肯定勝一籌，加上曼城班主文梳亞恨捧盃恨到發燒，一於捧1.62倍曼城「晉級」。




（now 639周三凌晨4時直播）




英聯盃球隊大多派後備應戰，講到二線兵一定係曼城最強，好似阿當莊臣、高路托尼、尼祖迪莊等貴價貨都要坐冷板，今場難得有機會上陣，仲唔盡情騷哥利咩！




文仙尼搵英聯盃打底




今季曼城雖然喺聯賽帶頭，但歐聯陷出局邊緣，如果唔攞番個盃仔打底，文仙尼隨時球季未完已被「叮」走，所以樂比仔相信曼城會擺幾件主力喺後備席以防萬一。




阿仙奴呢一兩年冒起嘅新秀質素麻麻，好似伊拿斯米基爾、恩拿利斯及費林邦等落到場都係孭鑊居多。記得兩年前曼城同阿仙奴曾經喺英聯盃八強交手，當時曼城主場輕取三比○，樂比仔相信今晚主客互調分別唔大，畢竟曼城較阿仙奴更渴望捧盃，正正係今場賽事勝負關鍵！