葛度爾古斯 強攻小保加

猪拉多纳

27/11/2011
文： 笛子波童

波童今周繼續講阿甲，小保加上周主場○比○打和競賽會，向着全季不敗封王目標又邁進一步，不過球隊上場多踢兩人都贏唔到波，再次證明防守先係佢哋今季最大武器，要佢哋強攻對手反而唔着數。


矛盾之戰敲和局


小保加今輪作客葛度爾古斯將要面臨另一個考驗，因為葛軍係今季阿甲攻力最強嘅球隊，十五場聯賽射入二十四球，小保加就係失波最少嘅隊伍，名副其實係一場矛盾之戰，而且小保加在對賽往績上亦冇甜頭，過去六次碰頭只得三和三負，既然小保加目前於榜首有一定優勢，基本上和波都收貨，讓球主客和客軍讓一球，波童首選「讓球主勝」，如果想要好分頭可直接捧和局。（周一早上6時10分開賽）