拉素祖記細盤飛勁

猪拉多纳

26/11/2011
文： RichardWelbing

周日凌晨有四場意甲舉行，而最受留意場合為拉素主場對祖雲達斯。留意到開盤情況，較為特別係細盤低開1.62倍。查實兩隊於聯賽入球數字唔低，暫時分列二及三位。但操盤手極對上述數字有保留，似乎今場並非單睇表面數據咁單純，建議投資者吼實細盤。




（now 633及660周日凌晨3時45分直播）


兩軍教頭都保守


今季拉素最特別係客優於主，似乎奧林匹高球場對球隊幫助唔算大，另外主勝率偏低亦拖累到純主場入球數字。實在拉素里查屬於傳統意式教頭，首都球隊喺佢領導之下以穩守為主，好少見到拉素會全軍壓上進攻。預料今場面對祖雲達斯，拉素更會加大防守比重，以抗衡祖雲達斯來犯。




祖雲達斯情況亦一樣，教練干迪師承於迪卡尼奧及納比，對於中後場截擊有好高要求。尤其今場對手係突擊能手拉素，祖雲達斯更加唔敢輕出以免造成後防空虛。




再講，今場大戰關乎到榜首位置，雙方會踢得較保守都好正常，預計入球都係一粒起兩粒止，細盤開出機高。