巴斯城賺夠攻「細」難求

猪拉多纳

23/11/2011
文： 自由恒

歐聯之夜居然都仲有英格蘭足總盃第一圈重賽直播，戲碼仲要係非聯賽嘅巴斯城主場迎戰乙組尾2嘅杜根咸，好在比歐聯正場早半粒鐘開波，睇完辛尼特對尼科西亞之後，唔想睇粵語長片的話都可以考慮轉一轉台。

杜根咸同樣要分心護級

杜根咸今季降落乙組後繼續沉淪，近9戰輸8場，喺英乙排第23，點睇都唔似有興趣爭足總盃，之前喺主場都贏唔到，冇理由寄望佢哋可以作客贏波。


不過亦唔覺得主隊巴斯城有任何優勢，佢哋雖然身處英格蘭第5級別聯賽，只係比乙組嘅杜根咸低一級，論戰績近5戰亦只係輸2場，冇對手咁甩轆，不過佢哋喺聯賽包緊尾，一樣要為護級而奮鬥。查實畀佢哋爭取咗重賽，仲要收埋電視直播費用，真係乜都賺凸，晉唔晉到級都冇所謂，既然雙方戰意都有限，倒不如諗吓2.1倍入球細。（now671及672台周四凌晨3:15直播）