爭出線不容有失 華倫發火打沉亨克

猪拉多纳

23/11/2011
文： 朱楓

機會係要自己爭取！華倫西亞為喺歐聯E組後上出線，今晚主場對亨克絕對不容有失，適逢啱啱仲僅敗畀皇馬成肚氣，呢場隨時搵比利時球隊亨克洩憤，1.4倍「讓球主勝」熱得有理！（有線63及203周四凌晨3:45直播）

魚腩亨克傷兵成籮

華倫西亞上輪歐聯唔止擊敗利華打開勝門，賽後仲追到落後第2位嘅利華1分，撞啱利華今晚要硬撼同組「一哥」車路士，絕對係華倫後上嘅大好機會。其實華倫近況唔曳，日前喺西甲同皇馬打到咁鬼燦爛，可惜最後戲劇性輸波，但好歹前鋒蘇爾達杜都入兩球，既然卡斯拿斯都射得穿，呢隊亨克算得啲乜？


本被喻為E組魚腩嘅亨克，上輪主場爆冷逼和車路士，保持一絲晉級機會，但朱楓相信亨克過埋今晚夢想將徹底幻滅，一來呢支比利時球隊傷兵唔少，中場大衞靴拔、後衞馬蘇路、施馬爾斯仲抖緊，啱啱仲提早放前鋒奧根積米去馬略卡，加上史上5次作客西球會未嘗一勝，今晚唔使大敗已經偷笑啦！