阿積士火力勁唔怕里昂

猪拉多纳

22/11/2011
文： 力奇

歐聯D組形勢大定，皇馬已奪出線資格，薩格勒布戴拿模就肯定出局，剩番嘅里昂同阿積士兩隊只能活一隊，今晚兩軍狹路相逢，考慮到主隊里昂近況的確唔掂，想贏都有心無力，仲話要讓阿積士波，梗係捧2倍「讓球客勝」好過啦！（有線63及203周三凌晨3:45直播）




里昂3連敗共失6球




里昂目前4戰得4分排小組第3，落後次席阿積士3分，今場贏波就形勢大好，事關佢哋最後一輪只會對住無心戀戰嘅薩格勒布，鬥志當然毋須懷疑。不過，連埋上周五聯賽輸畀雷恩，佢哋已經錄得3連敗，夾埋失6球，球員信心陷於低谷，守將洛夫雲又繼續養傷，前線傷愈嘅利辛度盧比斯亦狀態有限，單靠巴菲迪比高美斯衝鋒陷陣，唔易贏o架。




阿積士呢邊，雖然連續2場荷甲失分，但其實佢哋近8戰只係輸過1場，當中近5戰夾埋更轟入18球，火力強勁，狀態絕對唔曳。當然，佢哋今場會有2大中場主力施安迪莊同特奧贊臣養傷，但入波責任仲有蘇利馬尼同史基賀臣擔起，受讓點計都抵玩。