華斯高衝冠強搶艾華爾

猪拉多纳

19/11/2011
文： ComboKing

國際賽過後，歐洲各大聯賽又開戰，不過阿King提醒大家小心「國際賽後遺症」，事關大球會有唔少主將剛為國出征，尤其南美兵更飽受舟車勞頓之苦，隨時腳仔軟影響表現，所以今次一於向巴甲及其他次級聯賽埋手。巴甲華斯高主場對艾華爾，主隊搶分爭標，餘下三場肯定搏盡，更何況對手艾華爾只係包尾大幡，如果咁都攞唔到三分實在天理不容，「讓球主勝」可作過關重心。




（周日清晨5時開賽）




巴甲剩下三輪賽事，次席華斯高只係落後榜首哥連泰斯兩分，仍然有機會反超前捧盃，先決條件當然要自己贏晒最後三戰。華斯高已經搏足半年，冇理由唔衝埋最後大直路，球隊戰意肯定爆燈，即使下周有南球盃四強跟尾，遇着魚腩艾華爾都要盡數對手，提升士氣。




艾華爾今仗失分就會提早降班，奈何球隊實力太不濟，作客更五連敗，想搶分護級亦有心無力。再睇艾華爾首循環主場都吞華斯高兩蛋，今仗作客大敗好正路。


聖保利恰到羅斯托克


德乙亦有場實力懸殊之戰，羅斯托克主場對聖保利，聖保利係爭升班熱門，實力及狀態都凌駕下游分子羅斯托克，難得聖軍只係小讓平半，要上盤。另一場德乙杜塞爾多夫火力猛，為鞏固榜首位置，今次作客柏林聯都會照攻，要入球大。