艾迪索特職員冇假放

猪拉多纳

25/10/2011
文： 樂比堅尼

為迎接英超班霸曼聯「大駕光臨」，艾迪索特班職員工作量激增，首先係入場人流管制，由於艾迪索特球場容量只有約七千人，主客球迷勢必逼爆入閘機，故此艾迪索特已經喺官網呼籲持票人士提早手執門票入場，唔好埋到閘口先搵飛。另外，因為食物及啤酒需求大增，東北部停車場將改建為臨時飲食亭，仲會加開多部自助啤酒售賣機，但就搞到停車場冇晒位，所以球迷要乘搭公共交通工具入場。


工作量等於全季


艾迪索特職員表示今周工作量相等於一季聯賽，球隊上星期已開始派人搭建臨時洗手間及飲食亭，幾日前又要同警方開會傾保安問題，球場內又要加裝指示牌，所以成個星期都冇假放，不過職員話如果球隊能夠有好表現，再忙啲都唔緊要喎！