國米殘陣難o趙卡坦尼亞

猪拉多纳

15/10/2011
文： ComboKing

下周中有份打歐聯嘅意甲球隊，安排喺周日凌晨進行比賽，較早時間進行有卡坦尼亞主場對國際米蘭。卡坦尼亞向來主場作賽惡氣十足，今場面對傷停情況嚴重嘅國米有望攞分，主場受讓平半可捧下盤。（now 633周日凌晨零時直播）




國米有大部分球員出戰國際賽，體力或有不足，最慘係傷停人數亦相當多，其中後衞蘭奴捷亞及祖爾奧比停賽，而前鋒科蘭、菲臘比古天奴、莫達、哥度巴及維維安奴全部受傷唔出得。國米疲兵出擊兼陣容不整，實力必定打折扣。卡坦尼亞今季聯賽主場不敗，強如祖雲達斯都要失分，今場唔驚國米。最重要係球員少有為國家隊比賽，今可收以逸待勞之效，主場受讓頗着數，要下盤。




另外ＡＣ米蘭主場對巴勒莫，「讓球主勝」值得捧場。基於ＡＣ射手伊巴謙莫域於國際賽「坐波監」，故提早於星期一飛返米蘭市報到，抖足精神一定有料到。最後拿玻里主場對帕爾馬，同樣揀「讓球主勝」，拿玻里三寶之一卡雲尼早前傳出受傷，幸球隊證實該烏國射手傷勢輕微，意甲及歐聯皆可落場搏殺，對於拿玻里爭取勝利有好大幫助。