韋舒亞明年2月見

猪拉多纳

28/09/2011


阿仙奴中場韋舒亞於英國時間星期一，在倫敦醫院完成右腳足踝手術，醫生初步估計佢明年二月至可以落場。其實韋舒亞本來冇計劃接受手術治療，但徵詢過世界著名骨科專家建議後，最終都擇選開刀以徹底根治傷患。


禾確特隨時做手術


話阿仙奴黑仔真係冇錯，一個傷完又一個，據英國《鏡報》所述，上場聯賽受傷嘅禾確特情況唔多樂觀，事關醫生發現佢係膝部創傷，半月板及韌帶組織都可能有損壞，若果情況嚴重的話，隨時又要做手術。今季阿仙奴班主力唔係離隊就係重傷長抖，領隊雲格都咪話唔頭痕。