班菲特焗做「細」界仔

猪拉多纳

20/09/2011
文： 九叔

終止咗6連敗嘅班菲特，今日喺阿甲快車主場迎戰奧林普，按道理呢啲衰鬥衰嘅波要揀主隊，但係班菲特打7場波至入1球，都係博1.5倍入球細穩陣啲。（開賽時間：周三早上8:15）




外號「鑽窿機」嘅班菲特，今季好似受咗工傷，畀自己部機鑽親咁，防線開晒窿，開季6場輸光不特止，仲要場場吞蛋，直到上場作客男生隊至小勝1:0開齋，入波嗰個仲要係踢後衞嘅艾奴費斯添。雖然呢場勝仗激起咗班菲特嘅士氣，人人都話想再接再厲，不過新教練拿禾比只帶咗兩場波，啲球員仲未摸熟晒佢嘅戰術意圖，班菲特有排都未到真正反彈嘅時候。


奧林普作客3場不勝


當然，對手奧林普唔好得班菲特幾多，作客3場未贏過，而且由兩隊對賽往績去睇，主場出擊嗰隊例牌非勝則和，只得05至06年球季奧林普試過作客贏波，總體都係主隊秤高半線，不過班菲特今季條鋒線表現太差，7場波全部交白卷，讓平半真係有啲牙煙，1.5倍入球細雖然冇乜肉食，但始終穩陣過上盤。