大戰冷清清

猪拉多纳

02/09/2011


今場雖然係大戰，但場面將冷清清！因為保加利亞近年成績差勁，國內球迷已經對國家隊死心，搞到今場波飛滯銷，目前僅賣出約三分一門票。


2/3門票滯銷


保加利亞自貝碧托夫退出國家隊後，成績曳上加曳，領隊馬圖斯執教功力麻麻，未能救球隊於水火之中，所以粉絲對國家隊熱情不再。今仗安排於利夫斯基國家球場舉行，此地本能容納43,600名球迷，但至今僅售出約15,000張波飛，場內氣氛肯定冷清。




英軍方面，由於副選門將羅拔格連受傷，領隊卡比路望賓科士打出山幫手，但佢好唔畀面，拒絕重返國家隊。