羅馬阿爾克馬爾國民隊串燒

猪拉多纳

25/08/2011
文： 巨高

歐霸盃附加賽次回合賽事，基於主客互調兼受到首回合比數影響，球隊決心及打法都難以捉摸，局勢可謂極為混亂。球迷落注之前不妨留意飛數變動，或可為大家帶來啟示。今次巨高將與大家推介三場心水賽事，包括阿爾克馬爾主場對阿里辛特、伯明翰主場對國民隊及羅馬主場對施洛雲，合心水的話可以三串一作過關投X。（三場比賽同於周五凌晨2時45分開賽）


阿爾克馬爾主場勁


先講阿爾克馬爾主場對阿里辛特，兩班波實力好大差距，荷甲阿爾克馬爾近季經常排行荷甲積分榜前列，歐洲賽經驗亦比阿里辛特優勝，今場必定秤先過對手。而首回合阿里辛特贏來帶多少運氣，事關比賽初段就獲得一個十二碼，阿爾克馬爾太早失守難免打亂部署。今次輪到阿爾馬克爾有番主場之利，阿里辛特好難頂得住。留意到阿爾克馬爾今季主場表現極佳，常以兩球或以上差距贏波，睇怕阿里辛特都係等劏，「讓球主勝」值得捧場。


伯明翰莫財撐對家


另外英冠伯明翰主場對葡超國民隊，早前有海外媒體指伯明翰因財務關係，無可奈何地出售多名球員套現，實力已大不如前。加上揸弗人近期煩惱多，球員心理點都會有影響。留意到球隊今季只贏過一場，近況平淡今場讓唔起國民隊。現時伯明翰運勢轉弱係事實，好話唔好聽做乜都唔順。有時賭錢唔到你唔信邪，尤其菠菜娛樂涉及運氣因素，呢班波暫時都係避忌吓。國民隊雖然作客，但葡超球隊踢歐霸盃特別醒神，受讓點都要吼實，「讓球客勝」有1.7倍可捧。


羅馬教練開定期票


至於羅馬主場對施洛雲，首回合羅馬以○比一不敵斯洛伐克球隊，搞到美國老闆嬲到出煙。今次返到奧林匹高球場迎敵，羅馬絕不能有失。況且意甲首輪比賽未必開得成，歐洲賽大可盡情拚搏，毋須作任何保留。值得一提係首回合之後，羅馬教練安歷基就開定期票，講到明次回合唔會令大家失望，叫定球迷入場慶祝喎！施洛雲於斯洛伐克聯賽也文也武，但出戰歐洲賽只屬小學雞程度。羅馬爭勝夠決心，揀「讓球主勝」。