韋斯咸扑濕列斯聯

猪拉多纳

21/08/2011
文： 麥馬拿仁

當頂級球員、領隊克服心理壓力，並發揮出應有水準，等閒球隊又點頂得住？英冠「擂台躉」韋斯咸主場鬥列斯聯，「錘仔幫」兩連勝信心返晒嚟，幾名主力路蘭、柏加都上晒力，列斯聯後防曳必被扑死！




（now 638周日晚8時15分直播）




韋斯咸開咧戰落筆打三更，主場意外不敵卡迪夫城，但該仗「錘仔幫」其實佔盡優勢，冇運兼大雨影響下，落得完場前輸波。但隨後球隊迅即反彈，上仗作客狂數屈福特的確精彩。卡頓高爾近日發出效忠宣言，喺該仗八面玲瓏取得入波，以韋斯咸金鑽陣容，相信未來可橫掃英冠。另外，上次於主場輸波，「錘仔幫」今戰肯定更落力望打響頭炮，列斯聯開咧四戰失七球，後防遠遠曳過卡迪夫城，今場難逃一敗，主W同大盤都要瞄實。


米杜攞「阿伯」命


同日另一場米杜士堡主場對伯明翰（周日晚10時開賽），伯明翰本身已唔夠人用，上周中仲要應付歐洲賽，球員肯定疲於奔命。米堡本季嚟料，前鋒安尼斯狀態大勇聯賽場場有波入，加上米堡近六次主場鬥「阿伯」贏晒，今次仲唔趁佢病攞佢命咩！