加拿大法國『細』均力敵

猪拉多纳

30/06/2011
文： 郭球奇

睇咗幾日女子世界盃，球奇發覺今屆每隊實力勁接近，入波唔易，好似今晚加拿大喺A組對法國，本來已經係五五波，「楓葉國」仲可能有「罰球王」缺陣，對住傷兵滿營嘅法國，睇落仲難開入球騷，球奇撐硬1.82倍入球細！（有線64及中央5台周五凌晨0:00直播）


楓葉國罰球王或缺陣


加拿大首戰對奪標大熱德國，表現唔錯，當中隊長姬絲甸冼佳亞更射入罰球一度追成1:2，差啲帶領「楓葉國」搶得1分。不過呢位中場其實喺比賽中一早爆鼻，賽後一直養傷練唔到波，今晚有可能缺陣，如果真係，對加拿大影響極大，事關姬絲甸冼佳亞係加拿大史上上陣同入波雙料最多球員，濕滯程度同NBA小牛冇魯域斯基冇分別。




法國首戰對尼日利亞全場控制局勢，但最後只小勝1:0，只怪把握力極曳，好衰唔衰仲有後衞蕾娜特同美莉洛絲受傷，今場極大機會缺陣，話晒「公雞」依家手揸3分，今場和波就極大機會出線，對住加拿大仲唔守得就守咩！