季軍戰爭玩奧運捧大

魑魅魍魉

25/06/2011
文： 法比加輝

Ｕ21歐國盃季軍戰捷克Ｕ21對白俄羅斯Ｕ21，季軍戰一向冇嘢好爭，但今場就好唔同，皆因勝出一方將奪得明年倫敦奧運入場券，兩軍一定搏甩髀，加輝捧入球大。（now 633周六晚9時直播）


捷克白俄生死戰


捷克與白俄在四強都踢足百二分鐘，體力大為消耗，但一班主力為爭奧運入場券都冇得抖。兩軍在四強戰都主守開細盤，全因對手瑞士及西班牙實力較高，不過今場係五五波，兩軍將可盡情發揮攻力。




捷克今屆面對西班牙、英格蘭及瑞士等實力分子都主守，結果對西班牙及瑞士都開細，二比一反勝英格蘭則全因對手尾段空群出擊「幫手」，唯一主攻賽事就係首仗二比一贏烏克蘭，絕對值得參考；白俄分組賽三仗有兩場開大，另一場贏冰島亦有兩球交收，有數據支持下，大盤博得過。