西班牙變陣收效吐烏氣

猪拉多纳

19/06/2011
文： 自由恒

喺U21歐國盃進行期間，一眾小國腳嘅身價亦都被炒起，英格蘭就有佐敦軒達臣同埋菲爾鍾斯高價轉會，就連西班牙過氣小將保贊都成為轉會市場焦點，呢位巴塞射手近年都唔見有乜進步，真係唔明點解羅馬仲爭住要。


地面戰烏克蘭未必掂


雖然保贊大把球會問津，亦都有大國腳經驗，但喺今屆U21決賽周卻冇正選。上周中筆者都有講到西班牙U21領隊路爾斯米拿用人都幾出人意表，並非以經驗同名氣行先，首戰被英格蘭逼和後，更大膽抽起巴塞新星謝法倫，改以名氣稍遜嘅畢爾包鋒將蒙尼恩掛帥，結果竟試出彩虹，上仗對捷克取得嘅兩個入球，組織絲絲入扣，有大國腳嘅風範，終於似番一隊奪標大熱，今晚鬥B組包尾嘅烏克蘭值得繼續跟進。




烏克蘭U21上輪雖然摸和英格蘭，但名大於實嘅「幼獅兵團」一味靠兩翼出波，身材唔輸蝕嘅烏克蘭當然唔難頂得住，不過今仗對住擅打地面波嘅「鬥牛仔」，就好容易出事。（now632台周一凌晨2:45直播）


Battle精選


足球重心：西班牙U21（讓球客勝）




馬膽推介：5場2 紅珊瑚




前仗輸畀超級馬「驌龍」無話可說，上仗又喺冇可能嘅位置後上跑第4，表現愈來愈進步，增程1400無疑有難度，但排檔內移相信可以留守較有利位置，遇上較弱的對手仍有一定贏面。