市原殺唔起橫濱

猪拉多纳

19/06/2011
文： 蘇豪

今日十場日乙賽事兵凶戰危，多支名牌球隊作客出戰，隱藏失分危機，榜首球隊千葉市原作客神經刀FC橫濱，市原今季作客表現唔叻，但由於名氣大所以成日要讓波，今場隨時累街坊，博FC橫濱1.7倍「讓球主勝」。 （周日下午5時開賽）




千葉市原聯賽十戰過後位列榜首，領先次席櫪木SC兩分，大軍擁有艾萊及米利根等優質外援，土炮米倉恒貴及深井正樹亦對辦，確實有條件升班。不過，市原戰績咁好全靠主場全勝，大軍作客五戰贏兩場，只贏過北九州向日葵及鳥取飛翔等次級球隊，演出唔算特別醒。FC橫濱演出忽龍忽蟲，但不時遇強愈強，主場受讓抵玩。


鳥取飛翔頂得住比馬


同日「四哥」湘南比馬作客鳥取飛翔，計級數比馬一定高過對手，球隊於聯賽作客四戰不敗，戰績硬淨，驟眼睇嚟作客都贏得。不過，比馬四場作客賽事入三球，鋒力一般，上次作客對包尾大幡FC岐阜小勝一球，說來毫無說服力，今次要讓波擇使。飛翔實力平庸，勝在有自知之明，今次主場出擊專心死守，可博「讓球主勝」。




另外，名牌球隊FC東京剛與射手柏度祖利亞解約，前線又少個人用，大軍傷兵滿營，今次主場對德島漩渦未必贏到，要「讓球客勝」。


日乙推介


德島漩渦 讓球勝




FC橫濱 讓球勝

鳥取飛翔 讓球勝