丹麥搏命劏白俄

港陌

14/06/2011
文： 麥馬拿仁

周三凌晨Ｕ21歐國盃A組分組賽，主辦國丹麥Ｕ21鬥白俄羅斯Ｕ21。丹麥首戰倒灶不敵瑞士，但實際表現唔曳，主力基斯甸艾歷臣等都對辦；白俄上仗藉冰島打少個先贏波，而且主力尤真高已退隊，尼卡卓克同哥迪卓克亦上陣成疑，一於信多次主Ｗ。（周三凌晨2時45分開賽）


瑞士冰島「大」激鬥


丹麥首場對瑞士，最後意外輸○比一，累唔少捧場客損手爛腳。其實丹麥發揮唔曳，應屆荷甲最佳年輕球員基斯甸艾歷臣、邦比中場米克贊臣都表現不俗，丹麥輸波最大原因係怯場，相信第二仗會有明顯改善。雖然丹麥平均實力唔算特別標青，但今戰非勝不可，小將們得到現場球迷落力支持，應該可以打高兩皮波。




白俄上仗同冰島鬥得難分難解，最後冰島打少一個白俄先贏到兩粒。事實上，佢哋陣容不整入波欠板斧，今場信丹麥可贏波開齋。




同組另一場瑞士Ｕ21對冰島Ｕ21，瑞士攻力唔錯，上仗連史浩克04前鋒加雲洛域都未出亦打敗丹麥。冰島首戰輸兩粒，但莊家開瑞士W有2.15倍分頭，似乎瑞士可勝不穩。冰島外圍賽八戰入廿九球，形勢上今仗焗攻，轉捧大盤好過。（周三凌晨零時開賽）