冇人踢太公波芝華士秤先

魑魅魍魉

11/06/2011
文： 自由恒

為避免同國家隊賽事撞期，過往死牛一面頸嘅美職賽程安排已經略作修訂，嚟緊9及10月嘅國際賽期都唔會有聯賽上演，但就未有遷就美洲金盃，令唔少球隊叫苦連天。




為安撫各支美職大軍，美國國家隊過往選人踢金盃都採取人人有份策略，每隊頂多選兩個人，當然個別球隊仲會有人入選其他國家隊，但拉勻嚟計都算平均。不過今屆金盃情況就唔同，竟有4隊係完全冇人踢太公波，包括華盛頓聯隊、FC達拉斯、西雅圖海灣者及美國芝華士，佢哋上周共取得2勝2和全數贏盤，喺金盃未完成分組賽之前確係值得優先再追。


侯斯頓7戰不勝


4隊之中，最值得捧場都係美國芝華士，話晒佢哋今季作客只係輸過1仗，聽朝造訪連續7場不勝、兼有3名主將要踢金盃嘅侯斯頓戴拿模，受讓記得捧「讓球客勝」。（開賽時間：周日早上8:30）


Battle精選


足球重心 美國芝華士（讓球客勝）




馬膽推介 2場3 黃金年代




體重將近1,300磅都能夠喺上場初出跑入第2，雖然未能威脅頭馬，但已經遠遠拋離第3名，熱身一仗之後肯定會有更進一步演出。