加拿大斬瓜開餐

魑魅魍魉

11/06/2011
文： 巨高

C組另一場賽事加拿大對瓜德羅普，兩軍首輪均輸波，為保晉級資格今場必搏盡。佢哋曾於○七年美洲金盃分組賽碰頭，當時三十七分鐘內就炮製三個入球，今次冇保留下，追1.95倍大盤。




（周日早上6時開賽）




加拿大首場○比二不敵奪標熱門美國，級數輸蝕下踢落唔算太差，更有入波良機，巨高相信佢哋都有所保留，始終次名都可以晉級，與其同美國搏命，不如留力砌實力較弱嘅瓜德羅普同巴拿馬好過，今場主攻下可以見真章。


07年分組賽碰頭火速開大


瓜德羅普首場同巴拿馬大打進攻足球，落後三球下追兩粒僅敗，可見呢班波有進攻能力，鬥心亦唔差，有齊開大盤最強條件。加拿大實力比巴拿馬更高，瓜德羅普理應要主守，但由於尾輪要對美國，今場攞一分都好危，巨高相信瓜德羅普會豁出去進攻，加上佢哋○七年美洲金盃分組賽對加拿大都開過大盤，今場隨時冧莊。