洪都拉斯殘陣冇攻細

港陌

10/06/2011
文： 朱楓

格林納達同洪都拉斯金盃首輪都失分，聽朝兩隊會喺B組硬撼，可惜雙方都有主力「放飛機」或受傷搞到陣容不整，足智彩將呢場入球大細中位數調高至3.5球，朱楓建議大家捧1.8倍入球細！（開賽時間：周六早上9:00）


格林納達王牌甩底


賽前被喻為今屆金盃爭標第三熱門嘅洪都拉斯，未開波已受到連環打擊，先有効力FC達拉斯嘅中場馬雲查維斯拒絕徵召，再有應屆蘇超足球先生伊薩古利及韋根左閘美羅費古羅亞因傷退隊，結果首場面對弱旅危地馬拉，打多兩個都悶和0:0。賽後證實上場冇披甲嘅熱刺中場柏拉西奧斯仍然有傷在身，今仗好有機會缺陣，你話仲點捧得落？




同洪都拉斯一樣，格林納達最好波嘅中場沙尼約瑟，賽前突以專注新英倫革命賽事為由臨時甩底，結果搞到首仗大敗畀牙買加0:4不特止，曾踢過車路士嘅中場洛卡素仲整傷右膝韌帶，今場極大機會缺陣，陣容殘到爆，隨時轉玩死守，攬住洪都拉斯一齊死都唔奇！


賽制


12支參賽隊伍分3組，每組4隊作賽，勝3分，和1分，負0分。每組前2名球隊，以及2支最佳小組第3名將進身8強淘汰賽事。