洪都拉斯「-2」開餐

港陌

10/06/2011
文： 麥馬拿仁

聽朝兩場美洲金盃B組賽事，其中洪都拉斯可大數「超級魚腩」格林納達。格軍首仗大敗正路，事關佢哋上屆分組賽三戰全敗狂失十球，其中兩場均輸○比四。洪軍今屆強陣出擊，柏拉西奧斯、美羅費古羅亞級數贏晒，首戰失分今輪搶錢咁搶，捧1.75倍嘅「讓球客勝」！（周六早上9時開賽）




格林納達世界排名九十八，屬今屆賽事捧盃冷門之最，賠率高達八百倍。環顧球隊最強外流球員，係來屆跌落英非聯嘅林肯城前鋒菲斯，而陣中兩名美職兵洛卡素及沙尼約瑟，亦只屬三流兵。領隊米克阿當斯點兵選擇少之又少，呢班波根本係烏合之眾。


格林納達只係烏合之眾


上屆金盃分組賽，格軍曾不敵海地、美國兩蛋及四蛋，最後一場亦難逃輸○比四厄運，對手正正係洪都拉斯。




洪都拉斯今次雖有國米前鋒蘇亞素落選，但其餘球員均屬國家一時之選，當中有多名英超兵，出線絕對不成問題。但首仗鬥危地馬拉只能互交白卷，今場必求盡數魚腩，免得三仗後計輸得失球而出局。今仗「讓球主客和」雖讓到兩球，可照捧「讓球客勝」！




賽制：現為分組賽階段，採單循環制，12隊分3組，每組4隊，小組首、次名，及2支最佳小組第3名，將進身8強。