炒古巴慰大佬墨西哥「-2」夠鑊氣

猪拉多纳

09/06/2011
文： 走肖

大嘅有難，細嘅點可以冇表示？古巴聽朝喺美洲金盃A組遇到墨西哥，認真唔好彩，因為墨西哥首戰狂炒薩爾瓦多後，作為老大哥嘅奧蘇里奧，賽後懷疑前列腺有問題被迫離隊，今屆未踢過就講拜拜，為咗令奧蘇里奧更安心醫病，讓球主客和「-2」墨西哥應該會照開。（now634台周五早上9:00直播）


奧蘇里奧疑患前列腺病


墨西哥首戰強陣出擊，効力曼聯嘅射手查維亞靴南迪斯大演帽子戲法，可惜大勝歡樂背後，奧蘇里奧突然宣布提早離隊，原因係佢喺對薩爾瓦多前，覺得泌尿系統出現疼痛，家族中又有成員患過前列腺病，所以軍醫建議佢即刻離開返墨西哥接受治療。




奧蘇里奧冇得踢，相信其他球員會踢得更落力，實行捧盃當慰問。反觀古巴，FC達拉斯前鋒加連度同西雅圖海灣者中場奧斯禾度阿朗素落選，首戰更吞哥斯達黎加5蛋，對強隊墨西哥再輸幾球唔奇。