波蘭再施魔法

猪拉多纳

09/06/2011
文： 笛子波童

法國繼上場擊敗烏克蘭，周五凌晨之熱身賽會作客另一支明夏歐國盃主辦國波蘭。法國上仗能夠大勝而回，全靠兩名國家隊新丁神來之筆，整體表現其實並不突出。波蘭剛戰擊敗阿根廷同樣信心爆棚，今次主場出擊絕對有力一戰，「讓球主客和」法國讓一球，捧1.62倍波蘭「讓球主勝」。（有線61及64台周五凌晨3時直播）


法國踢埋今場放暑假


法國上場作客大勝烏克蘭四比一，但比數反映唔到真實戰況，法國全場其實冇優勢可言，而且仲係先落後一方，如果唔係後備入替嘅索察中場馬雲馬田完場前五分鐘內連入兩球，再交出一個助攻予同樣處子登場嘅卡保奧頂入，該仗好大機會和氣收場。




正如波童上次所講，部分法國兵已出現厭戰心態，既然踢埋今場佢哋就會正式放暑假，落場有幾搏命相信大家心中有數。




波蘭上場熱身賽以二比一擊敗阿根廷，雖然對手以半力出擊，但波蘭在攻守方面都有板有眼，能夠贏波絕非僥倖。由於波蘭唔使應付外圍賽，為提升狀態及隊形，每次都好認真對待熱身賽。翻查近期成績，波蘭對上八場熱身賽只輸一場，信心正隨着比賽場次增加而不斷冒升，今場面對法國相信只係一場五五波，有得受讓更加抵玩。