荷蘭烏拉圭歎細界

港陌

08/06/2011
文： 笛子波童

周四凌晨國際熱身賽烏拉圭主場鬥荷蘭，兩軍於去年世盃四強戰鬥得燦爛，不過目前兩軍心態和當日完全冇得比。烏拉圭需要調整狀態迎接美洲國家盃，荷蘭今次美洲之行亦似遊埠多過踢波，波童認為今場最好捧細盤。 （廣東體育周四凌晨2時30分直播）




今場係去年南非世界盃四強翻版戰，當時荷蘭以三比二險勝烏拉圭，今次「橙色兵團」未有徵召受傷嘅史奈達及雲達華治，從上場對巴西所見，前線雖有尹佩斯、洛賓等主力壓陣，可惜中場欠缺組織力，攻勢只屬隔靴搔癢，而且部分球員經過漫長球季之後出現疲態，於熱身賽爭勝決心不足，今次面對踢法和巴西相近嘅烏拉圭，隨時又再敷衍了事。


烏軍練兵迎美洲盃


烏拉圭上仗作客德國輸一比二，表現其實不太差，但一眾主力科蘭、蘇亞雷斯、卡雲尼等經過一季征戰，現時最重要係調整身心狀態迎接下月舉行嘅美洲國家盃。今場熱身賽贏波固然好，就算輸波相信亦唔會刻意催谷，今場最好捧1.7倍細盤。