國足大執讓唔起烏茲

猪拉多纳

05/06/2011


今晚國足喺昆明同烏茲別克拍跳唔似W得！皆因主教練高洪波賽前講明今仗只係練兵，戰意成疑，加上後防主力杜威臨時缺陣，對住剋星烏茲別克唔似有運行，敲1.75倍「讓球客勝」！


烏茲別克對賽佔優


為備戰7月舉行嘅世盃外圍賽，中國嚟緊將分別同烏茲別克及北韓踢熱身賽。對於傳媒賽前質疑國足點解唔選李瑋峰、陳濤同韓鵬，高洪波解釋呢次大軍唔係世盃最後名單，主要係想透過比賽搵弱點，唔似會搏命搶W，加上後防大將杜威因傷好大機會缺陣，回歸嘅鄭智可能重新擔任球隊進攻核心，轉變咁大，隨時得不償失。




烏茲別克日前作客烏克蘭輸0:2後已錄得4連敗，雖然佢哋今場冇前鋒沙舒堅同比克馬耶夫，但就有前亞洲足球先生迪積佩洛夫、卡帕澤同根恩里克回歸，實力有增無減，咪忘記佢哋近7次對中國獲4勝1和2負，呢場要保不敗唔難。